«Жанжал экономикасы» және ондағы қалалық пабликтердің рөлі қандай

«Жанжал экономикасы» қалай жұмыс істейді және неліктен қалалық паблик – бұл БАҚ емес, оның көшірмесі? Осы және өзге де маңызды сұрақтардың жауабын Жалған ақпаратқа қарсы іс-қимыл орталығы жаңа шығарылымында айтты, деп хабарлады Elordainfo.kz орталыққа сілтеме жасап.

Күн сайын мыңдаған қазақстандықтар қалалық Instagram парақшаларынан «жаңалықтарды» оқиды. Алайда олардың кімнің тарапынан және қандай мақсатта жарияланатынына мән бере бермейді. Көбіне айғайлы тақырыптар мен жағымсыз оқиғалар тізбегінің артында шынайы ақпарат беру ниеті емес, керісінше эмоция тудыру, назарды ұстап қалу және жарнаманы қымбатырақ сату есебі тұруы мүмкін, дейді Жалған ақпаратқа қарсы іс-қимыл орталығының мамандары.

"Instagram пабликтеріндегі оқиғаларға шолу, атышулы мәлімдемелер, куәгерлер айтқан «эксклюзивтер» – мұның бәрі тез ақпарат алудың оңай жолы сияқты көрінеді. Бірақ мұндай парақшалардың жылдамдығы мен «өмір шындығының» артында көбіне эмоцияны тауарға айналдыратын бизнес-модель тұрады.

Жалған ақпаратқа қарсы іс-қимыл орталығы «жанжал экономикасы» қалайша адам назарын тауарға айналдыратынын, неге жергілікті пабликтерге сене беруге болмайтынын және бұл жүйенің бір бөлігіне айналып кетпеу жолдарын талдап шықты", - делінген Жалған ақпаратқа қарсы іс-қимыл орталығының хабарламасында. 
 

Толық ақпарат төмендегі видеода.