Атырауда ескерткіш адамдардың үстіне құлап, кішкентай бала мерт болды

фото: Jibek Ashirhantegi/ Facebook

Кеше Атырау қаласында ауа райы күрт бұзылып, қатты жел соққан. Соның салдарынан Жеңіс саябағындағы ескерткіш құлап, жауыннан тасалап тұрған адамдардың үстіне құлап кеткен, деп хабарлады Elorda.info.

Бұл туралы Фейсбук желісінің қолданушысы Жібек Әшірхантегі жазды.

«Бүгін 25.06.2024 жыл 21:30 шамасында орталық Жеңіс саябағында серуендеп жүрген бір отбасы аяқ астынан жауған жауыннан тасалау үшін мына жатқан мүсіннің жанында тұрғанда, ескерткіш құлап, бүлдіршіндерін ұстап тұрған әке мен екі баласын басып қалған», - делінген жазбада.

Оның айтуынша 7 жастағы қыз Атырау облыстық балалар ауруханасының жан сақтау бөліміне ауыр жағдайда жеткізілген. Ал Ай-Ару есімді кішкентай қыз көз жұмды.

#қайғылы оқиға