Елімізде жел күшейіп, көктайғақ, бұрқасын болады

Синоптиктер бүгінгі ауа райы болжамын ұсынды, деп хабарлады Elorda.info «Қазгидромет» РМК-ға сілтеме жасап.

Еліміздің басым бөлігінде жауын-шашын тоқтап, ауа температурасы төмендейді. Республиканың батысы мен шығысында қар аралас жаңбыр, ал оңтүстік-батыста қатты жаңбыр жауады.

Республика бойынша жел күшейіп, тұман күтіледі, солтүстікте, шығыста көктайғақ, жаяу бұрқасын болады.

Астана қаласы: көшпелі бұлтты, түнде аздаған қар жауады, тұман түседі, көктайғақ болады. Солтүстік-батыстан соғатын жел оңтүстік-батысқа ауысады. Түнде 5-7°C , күндіз 1-3 °C суық болады.

Алматы қаласы: бұлтты, түнде жаңбыр жауады. Түнде және таңертең тұман түседі. Жел 0-5 м/с. Ауа температурасы түнде 2-4°C , күндіз 6-8°C жылы.

Шымкент: көшпелі бұлт шығады, жауын-шашынсыз. Шығыстан соғатын желдің күші 8-13 м/с болады. Ауа температурасы түнде 3-5°C , күндіз 14-16°C жылы.