Еліміздің басым бөлігінде аптап ыстық болады

Синоптиктердің мәліметінше, атмосфералық фронталды бөліктердің әсерінен ел аумағының басым бөлігінде тұрақсыз ауа райы сақталады, жаңбыр жауады, найзағай болады, елдің оңтүстік-шығысында қатты жаңбыр жауады. Республика бойынша жел күшейіп, бұршақ, дауыл, оңтүстік-батыста, күндіз оңтүстік-шығыста шаңды дауыл болады.

Атап айтқанда, күндіз Жетісу облысының шығысында, Түркістан облысының батысында, солтүстігінде, шөлді аудандарында, Қарағанды, Абай облыстарының оңтүстігінде, Атырау, Маңғыстау, Ақтөбе, Қостанай, Ұлытау, Қызылорда, Жамбыл, Павлодар, Ақмола облыстарының басым бөлігінде қатты ыстық болады.

Күндіз Ақтөбе, Қостанай, Ұлытау облыстарының оңтүстігінде өте қатты ыстық болады.

Қызылорда облысының басым бөлігінде, Абай, Алматы облыстарының батысында, Атырау облысының батысы мен шығысында, Ақтөбе облысының оңтүстігінде, шығысында, Ұлытау ауданының оңтүстік-батысында, Қарағанды, Жамбыл, Батыс Қазақстан облыстарының оңтүстік-шығысында төтенше өрт қаупі сақталады.