200 келіге жуық балықты заңсыз аулаған браконьер ұсталды

ашық дереккөз

ШҚО «Зайсан-Ертіс» облысаралық бассейндік балық инспекциясының мәліметінше, 8 ақпанда Бұқтырма су қоймасында заңсыз балық аулаған браконьер ұсталды. Инспекция мамандары ер адамнан 100 метр ау мен жалпы салмағы 178 келі балықты тәркіледі.

Осының салдарынан мемлекетке 1 млн теңгеге жуық материалдық залал келтірілген. Қылмыстық іс қозғау үшін материалдар мен заттай дәлелдемелер Көкпекті аудандық полиция бөліміне жіберілді, - делінген хабарламада.

Браконьер ҚР Қылмыстық Кодексінің 335-бабына (балық ресурстарын және басқа да су жануарларын заңсыз аулағаны үшін) сәйкес 3 мың АЕК мөлшерінде айыппұл төлеуге міндеттелуге немесе үш жылға дейінгі мерзімге бас бостандығынан айырылуы мүмкін.