Samsung смартфондарын қалдықтан жасайтын болды

ашық дереккөз

Корпорация өкілінің айтуынша, Samsung өз смартфондарының корпусын жасауға мұхитта қалған балық аулайтын торлардың материалын пайдаланады.

Samsung қазірдің өзінде барлық өнімдерінде қайта өңделген мұхит пластигін қолданып жүр, – дейді хабарламада.

Әйгілі бренд алдағы уақытта да қолданыста болған және қайта өңделген материалдар мен қағаздарды қолдана беруді жоспарлап отыр. Мамандардың бағалауынша, жыл сайын салмағы шамамен 640 мың тонна болатын ескі аулар суда қалады. Олар су түбіндегі тіршілік иелеріне кедергі келтіріп, маржан рифтеріне орасан зор зиян келтіреді, тіпті біздің ішетін суымыз бен тамағымызға дейін түсіп кетуі мүмкін.