Тина Канделаки Қазақстанға кірмейді – СІМ

Айбек Смадияров бүгінгі брифингте БАҚ өкілінің ресейлік тележурналист Тина Канделакидің елге кіруіне рұқсат беріле ме деген сұрағына жауап берді, деп хабарлады Elorda.info.

«Мемлекет ондайды ешқашан кешірмейді, ол келмейтін шығар, бірақ ол келгісі келсе, оны кіргізбейді», - деді Айбек Смадияров.

Естеріңізге саламыз, Тина Канделаки «Уральск» вокзалын «Орал», ал «Узен» станциясын «Жаңаөзен» деп өзгертілгеніне шүйлігіп, орыс тілі мемлекеттік деңгейде ысырылып жатыр деп желіде жазба қалдырған болатын. Оның бұл сөзі қоғамда қызу талқыланып, Канделакидің айтқанын жоққа шығаратын көптеген роликтер мен жазбалар жарияланды.

#Сыртқы істер министрлігі