Елордада жасөспірімдерге ішімдік сатқан дүкендер анықталды (ВИДЕО)

«Жаңа Адамдар» жастар қозғалысының өкілдері Астананың азық-түлік дүкендеріне рейд жүргізіп, кәмелетке толмағандарға ішімдік сату фактілерін анықтады, деп хабарлады Elorda.info. 

Сатып алушы алкогольді сатып алуға құқығы жоқ 17 жастағы қыз болды. Соған қарамастан, белсенділер тексерген 22 дүкеннің 7-сі оған тыйым салынған спиртті ішідіктерді сатқан. Сату фактілері бейнекамераға жазылған. 

(Суретте осы экспериментке қатысқан жастар қозғалысының белсендісі Кәмила)

Жасөспірімдерге алкоголь сатудың дәлелі сатушылар мен дүкен иелеріне ұсынылғаннан кейін, олардың барлығы дерлік көпшілік алдында кешірім сұрады және бұдан былай мұндай әрекетті қайталамауға уәде берді. Бір жағдайда ғана сатушылар камераға кінәсін мойындаудан бас тартты және сөрелердің артына жасырынып, сауда орнынан шығып кеткен. Оқиға орнына келген полиция бұл құқықбұзушылықты тіркеді. «Жана Адамдар» кәмелетке толмағандарға алкоголь сату нүктелерін анықтау және жою мақсатында Астанадағы дүкендердің бірқатарына бақылау жүргізуді бастады. Балаларға алкоголь сату фактілері жазылып, сатып алынған ішімдік сатушылар мен дүкен иелеріне қайтарылады. Камерада белсенділер кінәсін мойындауды және болашақта осындай құқық бұзушылықтар жасамауға уәде беруді талап етті. Дәл осы орында бірнеше рет заң бұзылған жағдайда, «Жаңа Адамдар» азаматтық наразылықтың барлық заңды тәсілімен сату нүктесін белгілей отырып, бұғаттайтын болады.

Біздің міндетіміз – сатушылар мен дүкен иелеріне заң бойынша өмір сүру оларға ғана емес, Жаңа Қазақстан үшін де тиімді екенін көрсету. Тұрақты сатып алушылар үшін өз ақшаларын осындай сауда нүктелеріне жұмсау олардың құндылықтарынан төмен болуы керек, - дейді белсенді жастар.

Егер сіз кәмелетке толмағандарға алкоголь сататын сауда нүктелерін білсеңіз, тексеру жұмыстарын жүргізу үшін олардың мекен жайын «Жаңа Адамдарға» жолдаңыз.