Биыл 15 мыңға жуық жұмыскердің құқығы қорғалды

Фото: Еңбек және халықты әлеуметтік қорғау министрлігінен

Жыл басынан бері мемлекеттік еңбек инспекторлары 15,4 мыңнан астам жұмыскердің құқығын қорғады, деп хабарлады Elorda.info Еңбек және халықты әлеуметтік қорғау министрлігіне сілтеме жасап.

Мемлекеттік еңбек инспекторлары республиканың 754 кәсіпорны 19,4 мың жұмыскерге 5,7 млрд. теңгеден астам сомаға жалақы бойынша берешек екенін анықтады.

Осы кәсіпорындардың басшыларына орындалуы міндетті 833 нұсқама беріліп, 105,3 млн теңгеден астам айыппұл салынды.

Жалақы бойынша берешекті өтеудің қатаң кестелері мен мерзімдерін белгілеу нәтижесінде 15,4 мыңнан астам жұмыскердің құқығы қорғалды. Оларға 5,1 млрд теңге төленді.

Әлеуметтік желілерді бөлісіңіз