Астана әуежайында ұшақтарды қабылдау мен ұшуға шектеу қойылады

фото: Бақтыгүл Бурбаева

Астана халықаралық әуежайында ұшу-қону жолағын күрделі жөндеуден өткізуге байланысты 2024 жылғы 1 мамырдан бастап жөндеу жұмыстары аяқталғанға дейін жабық болады, деп хабарлады Elorda.info

Әуеайлақ жергілікті уақыт бойынша сағат түнгі сағат 22:00-ден таңғы 6:00-ге дейін әуе кемелерін қабылдау және ұшыру үшін жабық болатынын еске саламыз. Осыған байланысты Астанадан/Астанаға орындалатын рейстер кестесінде өзгерістер болуы мүмкін. Өз рейсіңіз туралы ақпарат алу үшін авиакомпаниялармен байланысуларыңызды сұраймыз,- деп мәлімдеді әуежайдың баспасөз қызметі.

Сондай-ақ әуежай өкілдері орын алуы мүмкін қолайсыздықтар үшін жолаушылардан алдын ала кешірім сұрайтындығын және түсіністік танытқандары үшін алғыс білдіретіндігін жеткізді. .