Иманбек алтын платина дискін Asar-Ume қайырымдылық қорына сыйлады

ашық дереккөз

Бұл туралы Asar-Ume қоры өзінің Іnstagram әлеуметтік парақшасында жазды, деп хабарлады Elorda.info.

Қазақстандық жалғыз Грэмми иегері, солтүстікқазақстандық қарапайым жігіт Иманбек Зейкенов Asar Nauryz акциясына қатысып, қорымызға алтын дискіні сыйға тартты, - делінген жазбада.

Қасиетті рамазан айында аталған қор еліміздің әр өңіріндегі қиын жағдайға тап болған 100 отбасын баспанамен қамту жобасын қолға алған.

Asar-Ume қоры 100 отбасы және 500 бала жобасын іске қосады. Бұл қайырымдылық шарасына бәріңізді үлес қосуға шақырамын. Сіз бен біздің арқамызда 500 бала өз үйінде тұратын болады, - деді Иманбек.