«Әкемді иттің етінен жек көремін»: атышулы рэпердің мәлімдемесі қызу талқыға түсті (ВИДЕО)

ашық дереккөз

Рэпер әрі блогер Жан Ахмадиев бала кезінде ата-анасының тастап кеткенін айтты, деп жазады Elorda.info.

Бұл туралы ол КТК телеарнасының «Астарлы ақиқат» бағдарламасында мәлім етті.

Мені асырап алған. Мен бірақ қазір әкемді иттің етінен жек көремін. Ол мені кішкентай кезімде беріп жіберген. Баланы тастауға болмайды. Жағдайды жасап алғаннан кейін, ол шалдың маған керегі не?

Бауырыңнан бөлініп шыққан баланы тастау деген безбүйректік. Мен оған кезінде керек болмағанда, ол маған қазір не үшін керек? Ол адамның болашағыма еш қатысы жоқ. Мені басқа адам асырады. Әкемнің есімі - Амангелді, сол кісінің арқасында адам болдым. Сол кісіні пір тұтамын, құрметтеймін, - деді Жан Ахмадиев.