Пойыздарда әйелдерге арналған вагондардың ашылуына байланысты ер адамдар шу шығарды

Бұл туралы «Қазақстан темір жолы» ҰК» АҚ баспасөз қызметі мәлім етті. Компания әйелдер вагондарының тәжірибесі өткен жылдың күзінде пилоттық режимде енгізілгенін және Қазақстанның 3 облысында 8 маршрутта жүзеге асырылғанын еске салды.

Өкінішке қарай, кейбір ер адамдар өздерінің құқықтарының бұзылғаны туралы арыз жаза бастады. Әйелдер бұл бастаманы жақсы көтерді, мұндай бастаманы, ең алдымен, ер адамдар қолдауы керек. Ұзақ жолдар кезінде әйелдер үшін қиын. Тіпті баласын тамақтандыру да қиынға соғады. Бұл белгілі бір қолайсыздықтар туғызып жатыр, - деді ҚТЖ БАҚ-пен жұмыс департаментінің директоры Қайсар Жұмабайұлы.

Ол барлық бағыттағы жолаушылар тасымалына әйелдер вагоны енгізілмегенін айтты.

ҚТЖ қазіргі уақытта әйелдер вагондары Алматы – Маңғыстау, Алматы – Өскемен, Алматы – Ақтөбе, Нұр-Сұлтан – Шымкент, Нұр-Сұлтан – Атырау бағыттарында бар екенін еске салды.

2021 жылдың күзінде Қазақстанда әйелдер вагондары бар пойыздар іске қосылды. Сырттай қарағанда, олардың жалпы вагондардан еш айырмашылығы жоқ, жалғыз айырмашылығы - оларда жолаушылар да, кондукторлар да тек әйелдер.