2024 жылы әлемдік жолаушылар ағыны 4 миллиардқа жетеді

Басылым мәліметінше, 2021 жылы саяхатшылардың жалпы саны 2019 жылғы деңгейдің 47 пайызын құрады. IATA халықаралық әуе көлігі қауымдастығының болжамына сәйкес, бұл көрсеткіш 2022 жылы 83 пайызға, 2023 жылы 94 пайызға жетеді. Сонымен қатар, қауымдастық былтыр 2019 жылғы деңгейдің 27 пайызын құрайтын халықаралық саяхатшылардың саны 2022 жылы 69 пайызға жетіп, 2025 жылы толық қалпына келетінін айтып отыр.

IATA мәліметінше, халықаралық болжам бұрынғыға қарағанда «сәл оптимистік» және көптеген елде, әсіресе Солтүстік Атлант және Еуропа нарықтарындағы сапар шектеулерін жеңілдетуге немесе жоюға негізделген. Алайда қалпына келтіру аймаққа байланысты өзгереді және Азия-Тынық мұхиты әлі де артта қалады деп күтілуде.