«Қазатомөнеркәсіп» компаниясына жаңа басшы тағайындалды

Ержан Мұқанов «Қазатомөнеркәсіп» ұлттық ядролық компаниясының басшысы болып тағайындалды, деп хабарлады Elorda.info «Самұрық-Қазына» ҰӘАҚ баспасөз қызметіне сілтеме жасап.

«Қазатомөнеркәсіптің» Директорлар кеңесі компанияның басшысы етіп басқарма төрағасының міндетін атқарушы Ержан Жанәбілұлы Мұқановты бекітті. Ол бұл қызметте шілде айының басынан бері жұмыс істеп келеді, - делінген хабарламада.

Оның Ғылым академиясының Металлургия және байыту институтында арнайы байыту әдістері және гидрометаллургия зертханасының инженері қызметінен бастап, атом өнеркәсібіндегі әртүрлі лауазымдарда 23 жылдан аса еңбек өтілі бар екені атап өтіледі.