Биыл спорт саласындағы 395 маман біліктілігін арттырды

Жыл басынан бері дене шынықтыру және спорт саласындағы 395 маман біліктілікті арттыру курсынан өтіп, тиісті сертификаттар алды, деп хабарлады Elorda.info.

Бүгінгі таңда біліктілікті арттыру бойынша 6 курс өткізілді. Дене шынықтыру және спорт жөніндегі республикалық оқу-әдістемелік және талдау орталығының жоспарына сай биыл 17 тегін курс ұйымдастырылады. Ол курстар 700-ге жуық адамды қамтитын болады.

Жаңа кадрлар даярлау және салада жүрген спорт мамандарының біліктілігін арттыру - біздің басты міндеттеріміздің бірі. Бұл ретте, тек жаттықтырушыларға ғана емес, сонымен қатар спорттық оқу орындарының жаттықтырушы-оқытушыларына да көңіл бөлінеді. Ауылдық жерлерде жұмыс істейтін мамандарға баса назар аударылады, - деді МСМ Спорт және дене шынықтыру істері комитетінің төрағасы Ербол Мырзабосынов.