Қазақстандық жеті ауыр атлет допингпен ұсталды

Бүгін ауыр атлетика федерациясы тағы да допингпен ұсталған спортшылардың тізімін жариялады, деп хабарлады Elorda.info.

Олар:

Арли Чонтей – әлем чемпионы (2021), Азия чемпионы (2020); 

Нұрғиса Әділетұлы – Азия чемпионы (2023), әлем чемпионатының күміс жүлдегері (2022); 

Алексей Чуркин – әлем чемпионатының қола жүлдегері (2022), Азия чемпионатының қола жүлдегері (2023); 

Артем Антропов – Азия чемпионатының қола және күміс жүлдегері (2022, 2023); 

Денис Полубояринов – жасөспірімдер арасында Азия чемпионы (2022);

Алина Колиушко – жасөспірімдер арасында Азия чемпионатының күміс жүлдегері (2022);

Екатерина Алякина – жасөспірімдер арасында Азия чемпионатының қола жүлдегері (2022).

Бұл спортшылар сәуір айында допинг тексерістен өткен болатын. Енді ерлер мен әйелдер құрамасының бас бапкері ауысып қалуы әбден мүмкін. 

2023 жылдың дерегі бойынша, қазақстандық 20 ауыр атлет допингке байланысты жазаларын өтеп жатыр.

Қанат БАЙҰЗАҚОВ