Астанада бокстан Азия чемпионаты өтіп жатыр

Астанада 22 жасқа дейінгі және жастар арасындағы ASBC Азия чемпионаты өтіп жатыр. «Beeline Arena» спорт кешеніндегі құрлықтық дода 7 мамырға дейін жалғасады, деп хабарлады Elorda.info.

Азия біріншілігі Туризм және спорт министрлігі, Қазақстан бокс федерациясы, Спортты дамыту дирекциясы, Астана қаласы әкімдігі және Sport qory қолдауымен өтіп жатыр.

Біріншілікке Азияның 26 мемлекетінен 500 боксшы қатысып жатыр. Екі жас аралығында жігіттер және қыздар арасында өтетін бәсеке олимпиадалық жүйе бойынша ұйымдастырылады.

Азия чемпионаты сынды жарысты елімізде өткізу отандық спорттың дамуына әсер ететіні сөзсіз. Сондықтан осы жарыстың жоғары деңгейде өтуіне атсалысқандарға және бізге сенім білдірген халықаралық ұйымдарға алғыс білдіремін, - деді ашылу салтанатында сөз алған Қазақстан бокс федерациясының президенті Шахмұрат Мүтәліп.

U-22 (2002-2005 ж.т. аралығы):

Жігіттер: 46-48, 51, 54, 57, 60, 63,5, 67, 71, 75, 80, 86, 92, +92 келі;

Қыздар: 45-48, 50, 52, 54, 57, 60, 63, 66, 70, 75, 81, +81 келіде шаршы алаңда жұдырықтасып жатыр.

Жастар (2006-2007 ж.т. аралығы):

Жасөспірім ұлдар: – 46-48, 51, 54, 57, 60, 63,5, 67, 71, 75, 80, 86, 92, +92 келі;

Қыздар: 46-48, 50, 52, 54, 57, 60, 63, 66, 70, 75, 81, +81 келі салмақ дәрежелерінде өнер көрсетіп жатыр.