Абат Айымбетов түркиялық клубта ойнайтын болды

Абат Айымбетов түркиялық клубта ойнайтын болды

Қазақстан ұлттық құрамасының сұрмергені Абат Айымбетовтің Түркия Суперлигасындағы «Адана Демирспор» клубына ауысқаны белгілі болды. 

Футболшымыз «Адана Демирспор» командасымен 1,5+1 нұсқасы бойынша келісімшарт жасасты.

Клуб туралы ақпараттар: 

- «Адана Демирспор» – 23 турдан соң 31 ұпаймен 8-орында тұр. Бір айдан астам уақыт жеңіс дәмін сезе алмай келеді. 

- Құны: 31,95 млн еуро (Түркиядағы 6-шы клуб) 

- Былтырғы маусымда алғаш рет 4-орынға ие болып, Еурокубокта ойнауға жолдама алған. 

Конференция лигасы

2-раунд. «ЧФР Клуж» (Румыния) 2:1, 1:1

3-раунд. «Осиек» (Хорватия) 5:1, 2:3

Плей-офф. «Генк» (Бельгия) 1:0, 1:2 (пен, 4:5)

- 26 жылдық үзілістен кейін ғана «Адана Демирспор» клубы Суперлигаға (2021 жыл) шықты. 

- 2021 жылы құны 23 млн доллар тұратын жаңадан салынған «Адана stadium» аренасында ойнайды. Сыйымдылығы: 33 000 адам. 

- Биылғы маусымды атақты Патрик Клюйверттің баптауымен бастағанымен, нашар көрсеткіштен соң, оның орнын желтоқсанда Хикмет Караман ауыстырды. 

Қандай танымал футболшылар ойнайды? 

Юсуф Сари – 6,5 млн еуро;

Андрю Гравиллион – 4,5 млн еуро;

Марио Балотелли (1 млн еуро); 

Нани (300 мың еуро).

Қанат БАЙҰЗАҚОВ