Месси командаластарына алтынмен қапталған iPhone сыйламақ

Лионель Месси әлем чемпионатында жеңімпаз атанған командасы мен қызметкерлері үшін шамамен 210 мың долларға 35 алтын iPhone телефонына тапсырыс берді, деп хабарлады Elorda.info Zakon.kz-ке сілтеме жасап.

Аргентиналық футболшы Аргентина құрамасының әр мүшесіне арнап 24 караттық iPhone телефондарына тапсырыс берді.

Әрбір телефонда ойыншының аты, нөмірі және Аргентинаның логотипі жазылған. Басылымның хабарлауынша, футболшы кәсіпкер Бен Лайонспен байланысқа шығып, екеуі бірігіп дизайн ойлап тапқан.

Лионель - ең тамаша ғана емес, сонымен қатар iDesign Gold-тың ең адал тұтынушыларының бірі. Ол әлем чемпионатының финалынан кейін бір-екі ай өткен соң бізге хабарласты. Ол барлық ойыншылар мен қызметкерлерге жеңістің құрметіне арнайы сыйлық алғысы келетінін айтты. Бірақ сағат сыйға тартқысы келмеді, - деді iDesign Gold бас директоры Бен Лионс.

Аргентина 2022 жылы Қатарда жеңіске жетті. Лионель Месси Чемпионаттың үздік ойыншысы болып танылды.