Аламан бәйгенің жеңімпазы анықталды

Ұшқыр бәйгемен шымылдығын ашып, одан ары құнан бәйгесімен жалғасын тапқан жарыста қазақтың қазанатының қарымы мен шабыс-шалымын сынайтын аламан бәйгеге де кезек берілді.

20 шақырымдық аламан бәйгеде кілең қазақ жылқысының тұқымынан бапталған 8 сәйгүлік жарыс жолына шығып, мәре сызығын Қостанай облысынан келген Мұрат Исмағамбетовтің Риба есімді тұлпары кесті.

Айта кетейік, бүгін елорда күніне орай Нұр-Сұлтан қаласы әкімдігінің қолдауымен, Дене шынықтыру және спорт басқармасының ұйымдастыруымен «Қазанат» атшабарында жалпы жүлде қоры 20 миллион теңгені құрайтын «Елорда бәйгесі» республикалық турнирі өтіп жатыр.

Қалиакбар Үсемханұлы

#бәйге