Әлем чемпионаты: бүгін үш боксшымыз жұдырықтасады

Төртінші жарыс күнінінде қазақстандық үш боксшы рингке шығады. Күндізгі сессияда аса ауыр салмақтағы (92 келіден жоғары санат) Нұрлан Сапарбай 1/16 финалда жұдырықтасады, оның қарсыласы Испания өкілі Аюб Эль-Айсауи болады.

Кешкі сессияда 57 келіге дейінгі салмақта өнер көрсететін Серік Теміржанов 1/16 финалда жапониялық Рейто Цуцумимен кездеседі. Ал 67 келіге дейінгі салмақтағы Абылайхан Жүсіпов венесуэлалық Кристиан Паласиомен жұдырықтасады.

Күндізгі сессияның тікелей трансляциясы Нұр-Сұлтан уақытымен сағат 17:00-де, ал кешкі сессия 23:05-те басталады. Жекпе-жектерді Qazsport телеарнасынан тікелей эфирде көруге болады.