Зарина Дияс әлемдік рейтингіде үздік жүздікке қайта оралды

Қазақстан теннис федерациясы мәлім еткендей, ерлер арасында еліміздің бірінші ракеткасы Александр Бублик 35-тен 34-орынға көтерілді. Осылайша, Александр дүниежүзілік рейтингідегі өзінің үздік нәтижесін қайталап отыр.

Тимофей Скатов 269-дан 266-ға жоғарылады. Бұл оның рекордтық көрсеткіші болып табылады. Керісінше Михаил Кукушкин 147-ден 159-ға төмен сырғыды. Дмитрий Попко 161-ден 162-ге ауысты. Ал бұған дейін 760-ші орында болған Бейбіт Жукаев 746-орынға жайғасты.

Әйелдер арасында Қазақстанның бірінші ракеткасы Елена Рыбакина 17-ден 19-ға сырғыды. Юлия Путинцева 44-орнын сақтап қалды.

Ал Зарина Дияс 104-тен 100-сатыға көтерілді. Сөйтіп, Зарина үздік жүздікке қайта оралды.