«Қызым үшін деп жүрміз»: актриса Жұлдызай Дүйсенбиева күйеуі туралы өз шындығын айтты

Бұл туралы актриса өзінің Instagram парақшасында жазды, деп хабарлады Elorda.info.

Қысқасы, үйлендік, қызды болдық, үйлі болдық, шүкір. Перзентханадан шыққанда ән-күйсіз, у-шусыз-ақ, жаңбырлы күнде әшейін шығып кеттік. Ел қатарлы ананы жаса, мынаны жаса деп күйеуімнің миын қатырмаппын. Сөйтіп Аянат үшін деп жүрміз. Осы қыз үшін қайта жаңа өмір бастағандай болдым. Өмірсерік екеуіміз тек Аянат үшін өмір сүрдік - деді Жұлдызай Дүйсенбиева.

Белгілі актриса Жұлдызай Дүйсенбиева дүниеге қызы келгелі өмірінің өзгергенін жасырмады.

Ол – маған Алланың берген сыйы. Қайда жүрсем де, өзіммен алып жүрдім. Аянатсыз бір өзім жүруге қорқатынмын. Менің қорғаушым. Өміріміздің мәні, не жасасақ та Аянат үшін жасадық, – деп жазды актриса.