Танымал продюсер Гүлзира Айдарбекова келін түсірді

Бұл туралы продюсер өзінің әлеуметтік желідегі парақшасында жазды, деп хабарлады Elorda.info.

Қазақтың салт-дәстүрімен келінімізді ұзатып алып кеттік. Ең бастысы балалар бақытты болсын. Ғұмырлы, үбірлі-шүбірлі болуды нәсіп етсін! Қуанышымызға ортақтасып жылы лебіздерін жазып жатқан оқырмандарым сіздерге де той жұғысты болсын! Барша шаңырақта қуаныш той болсын! – деді Г.Айдарбекова.

Гүлзира Айдарбекованың кенже ұлы Заңғар Нұртас үйленді. Продюсер келінінің табалдырық аттап, отқа май құйған сәтін әлеуметтік желідегі парақшасында бөлісті. 

Сүйінші! Келін келді. Аллаға мың да бір шүкір! Индира келінімізді абыроймен үйге әкелдік. Бақытты болыңдар, балапандарым! Алла бақтарыңды ашсын, - деп жазды продюсер.

Желі қолданушылары жас жұбайларға бақыт тілеп, жылы лебізін жазды.  

«Келініңіз өзіңізден айнымайды екен. Құтты болсын», «Бақытты болсын», «Келіннің қадамы құтты болсын», - деп жазды желідегілер.