Балжан Бидаш сахнаға қайта оралғанын айтты

Әнші Балжан Бидаш күйеуімен ажырасқанын мәлім еткеннен кейін сахнаға қайта оралды. Өнер иесі бұл жайлы Instagram парақшасында айтты, деп хабарлады Elorda.info.

"Екі күннен бері түсірілімнен босамай жүрмін. Негізі әлеуметтік желіге әзір кірмеймін деп едім. Бірақ, сіздерді сағынып кеттім. Сахнадан шығып қалыппын. Аздап шошып қалыппын", - деп жазды Балжан Бидаш. 

Естеріңізге сала кетейік, осыған дейін Балжан Бидаш Жахан Отарғалиевпен ажырасқанын ресми түрде растады. "Сіздер шындықты білуге лайықтысыздар. Осы уақытқа дейін біз үшін алаңдап жатқандарыңызға рахмет. Сондықтан "рас па, өтірік па" деген ақпаратты "Біз екі жаққа кеттік" деп растаймыз. Өмір болған соң біз күтпеген жағдайлар болады екен. Әркім өзінше бақытты болатынына сенемін", - деп жазған болатын Балжан Бидаш. 

Кейінірек Жахан Отарғалиев Балжан Бидашпен не үшін ажырасқанын ашып айтты.