Мәдина Сәдуақасова бала асырап алғысы келетінін айтты

Әншінің instagram-парақшасында жазғанындай, ол тіпті туған інісіне жаңадан туған перзентін өздеріне беруін сұраған көрінеді. 

Бірақ әншінің бауыры бұл ұсыныстан бірден бас тартқан.

«Бізге беріңіз, күштілеп бағып береміз, жақсының бәрі болады балада» деп мен бастадым, Олжас та «жер үйден гөрі пәтер жақсы, жылы, шомылдыратын судың өзі минералды, бізде жақсы болады бөпеде» деді. Әнуар да «үйдегі үшеу сияқты мен шұқымаймын баланы, түртпеймін, ауладағы площадкаға өзім қыдыртамын» деп жалынды. Қысқасы, бермеді бізге баланы. Не дейміз, жарайды. Бауы берік болсын! Кіші інім үшінші рет әке атанды, Садуақасов Тимур деген батыр дүниеге келді! Құтты болсын, жұғысты болсын, - деп жазды ол.