Алтай Көлгінов Ұлыбритания елшісімен инвестициялық жобаларды іске асыру мәселелерін талқылады

“Экология, көгалдандыру, баламалы энергия көздері, көлік, медицина, сондай-ақ бірлескен инвестициялық жобаларды іске асыру мәселелерін Ұлыбританияның Қазақстандағы Төтенше және Өкілетті Елшісі Кэти Личпен бірге талқыладық. Оның ішінде, келесі жылы JCB компаниясымен бірлесіп, Нұр-Сұлтанда коммуналдық техниканы құрастыру кәсіпорнының ашылуы талқыланды.

Өздеріңіз білетіндей, коммуналдық қызметтер үшін қолайлы жағдай жасауға ерекше назар аударамыз. Соңғы екі жылдың ішінде ғана коммуналдық қызметкерлерге 150-ден астам арнайы техника берілді. Жаңа мекеме жүйелі негізде коммуналдық кәсіпорындар паркін жаңартуды жалғастыруға, басқа қалаларға арнайы техника жеткізуге, тұрақты жұмыс орындарын құруға мүмкіндік береді”, – деп жазды А.Көлгінов.