Елордада мас күйінде мотоцикл тізгіндеген жүргізуші көлікпен соқтығысты

Елордада «Мас жүргізуші – қылмыскер!» атты жедел-профилактикалық іс шаралар үнемі жүргізіліп тұрады, деп хабарлады Elorda.info.

Polisia.kz мәліметінше, 4 күн ішінде жергілікті рейдтік іс-шаралар барысында 25-ке жуық жүргізуші медициналық куәландыру жүргізу үшін Астана қаласының наркология және психотерапия орталығына жеткізілді

Коммуналдық тұраққа 22 автомашина және 5 мотоцикл қамалды. Сағат 09:00 шамасында 21 жастағы жүргізуші мас күйінде, Yamaha маркалы мотоциклін басқара отырып, көлік құралын басқару құқығына ие бола алмай, Әл-Фараби көшесімен Қошқарбаев даңғылына қарай жүріп келе жатып, қажетті қашықтықты сақтамай, Opel Omega автокөлігімен соқтығысуға жол берді. ЖКО салдарынан зардап шеккендер жоқ. Мотоцикл жүргізушісі жауапқа тартылды.