Астанада лифтте балаға шабуыл жасаған жасөспірімнің анасы жауапқа тартылды

Астанада лифтте баланы пышақтаған жасөспірімнің анасына 78 640 теңге көлемінде айыппұл салынды, деп хабарлады Elordainfo.kz.

Әйел Әкімшілік құқық бұзушылық туралы кодексінің 127-бабына (Кәмелетке толмаған адамды тәрбиелеу және оған білім беру, оның құқықтарын немесе мүдделерін қорғау жөніндегі міндеттерді, қауіпсіздігін қамтамасыз ету жөніндегі шараларды орындамау) сәйкес жауапқа тартылды.

Бұл бап бойынша айыппұлдың ең жоғары мөлшері 20 айлық есептік көрсеткіш (АЕК) 78 640 теңге. Жасөспірім әлі де тергеуде, тергеу жалғасып жатыр. 

Еске салайық, бұған дейін Астанадағы тұрғын үй кешендерінің бірінде кәмелетке толмаған жасөспірім лифт ішінде 5 жасар балаға шабуыл жасап, бірнеше пышақ жарақатын салғаны туралы жазған едік. Қылмыстан кейін жасөспірім оқиға орнынан қашып кеткен.