Астанада ереуілге шыққан курьерлер жауапкершілікке тартылды

Елордада 9 шілде күні «Яндекс» компаниясының курьерлері ереуілге шықты, деп хабарлады  Elorda.info.

Бүгін Астана қаласының полиция департаменті «Яндекс» курьерлері жол қозғалысына кедергі келтіргені үшін жауапкершілікке тартылғанын мәлімдеді.

9 шілде күні сағат 21:00 шамасында ЕХРО аумағында «Яндекс» компаниясының курьерлері еңбек жағдайына наразалықтарын білдіріп, жиналды. Кейін жастар Қабанбай батыр даңғылындағы «Қазақстандық күн» монументіне скутерлермен барды. Олар жол қозғалысына айтарлықтай кедергі келтіргені үшін полиция қызметкерлері оларды тоқтатып, жағдайды анықтады. Әрі қарай талқылау үшін Есіл ауданының полиция басқармасына жеткізілді,- деп мәлімдеді қалалық Полиция департаменті.

Ереуілге шыққан курьерлер ҚР ӘҚБтК 615-бабы 1-тармағы бойынша әкімшілік жауапкершілікке тартылды.