Қызы анасының атынан 1 млн теңгеден астам несие рәсімдеген

Polisia.kz мәліметінше, 18 маусымда Ақкөл аудандық полициясы кезекші бөліміне жақын маңдағы ауылдардың бірінің 61 жастағы тұрғынының өтініші келіп түсті. Зейнеткер Қазақстан банктерінің бірінде белгісіз біреулер оның атына 1 млн 289 мың теңгеге тауарлық несие рәсімдегенін хабарлады.

Жедел-іздестіру іс-шаралары барысында күдікті анықталды, ол жәбірленушінің 32 жастағы қызы болып шықты. Алдын ала тергеу барысында 2021 жылдың қарашасынан 2022 жылдың наурызына дейінгі кезеңде жәбірленушінің қызы бірнеше рет, алдау арқылы, анасын оның атына онлайн несие алу үшін суретке түсіріп, қарт әйелдің жеке куәлігін қолданғаны анықталды. Зейнеткер несие және пайда болған қарызға байланысты картасын бұғаттаған банк қызметкерлерінен білген.

Аудандық полиция бөлімінің тергеу бөлімі аталған факті бойынша ҚР ҚК 190-бабының 2-бөлігі (Алаяқтық) бойынша сотқа дейінгі тергеуді бастады.