Нұр-Сұлтанда ноутбук ұрлаған күдікті ұсталды

Тергеу барысында анықталғанындай, ер адам «Гарант» сауда үйіне кіріп, жабық тұрған бутикті байқап, есігін бұрағышпен ашып құны 90 мың теңге тұратын «Асер» маркалы ноутбугын жасырын ұрлап кеткен.

Қазіргі уақытта аталған факті бойынша сотқа дейінгі тергеу жүргізілуде, заттай дәлелдемелер алынды. Күдікті өз кінәсін мойындады, оның елорда аумағында осыған ұқсас қылмыстарға қатыстылығы тексерілуде, – делінген Полиция департаментінің хабарламасында.

Нұр-Сұлтан қаласының Полиция департаменті сауда нүктелерінің иелеріне қырағы болуға және дүкендерде ұрлықтан қорғау шараларының кешенін енгізуге кеңес береді.