Республикалық «Жанымызда батырлар – еңбек адамдары» балалардың сурет байқауы басталды

Оқу-ағарту министрлігінің республикалық оқу-әдістемелік қосымша білім беру орталығы және Kazakhmys корпорациясы «Жанымызда батырлар – еңбек адамдары» балаларға арналған сурет байқауының басталғанын мәлім етті, деп хабарлады Elordainfo.kz.

Байқауға еліміздің барлық мектеп оқушылары мен мектепке дейінгі және қосымша білім беру ұйымдарының тәрбиеленушілері қатыса алады.

Байқаудың мақсаты – жас ұрпақтың еңбекке және жұмысшы мамандығындағы адамдарға деген құрметін қалыптастыру, сондай-ақ қатысушылардың шығармашылық әлеуетін ашу. Әсіресе, бала туындысында өндірістік мамандықтарға ерекше назар аударылуы тиіс.

Қатысу шарттары қарапайым:

- жұмысшы мамандығының кейіпкерін салу суреттерді Instagram-ға #ЖанымыздаБатырлар және #ЖұмысшыМамандықтарыЖылы хэштегтерімен жариялау;

- @kazakhmys.news және @rumcdo_official аккаунттарын белгілеу;

- өтінішті konkurs_parlament@mail.ru поштасына жіберу.

Әр орынға бағалы сыйлықтар қарастырылған, ал үздік 10 жұмыс қала көшелерінде билбордтарға ілінеді.

Қорытынды 19 маусымда ziyatker.org сайтында жарияланады.