Астанада тұңғыш рет оқушыға «Еңбек сіңірген спорт шебері» атағы берілді

Фото: Астана қаласы әкімдігінен

Астанада алғаш рет мектеп оқушысына «Еңбек сіңірген спорт шебері» атағы берілді, деп хабарлайды Elordainfo.kz.

Бұл атақ Астана қаласындағы №70 мектеп-лицейінің 11-сынып оқушысы Аңсат Алдияр берілді. Бұл – елімізде мектеп оқушысына тұңғыш рет беріліп отырған мәртебелі марапат.

Жас шахматшы Алдияр Қазақстан спортының мақтанышы. Ол әлемдік деңгейдегі түрлі беделді додаларда қарсыластарын шаң қаптырып, талай рет жеңімпаз атанды.

«Талантты оқушы – әлем чемпионаттары мен халықаралық турнирлерде топ жарып, еліміздің атын танытып, көк туымызды биікте желбіреткен жас әлем чемпионы», – делінген әкімдік хабарламасында.

#астана