II Түркі қағанатының негізін қалаған Құтлық қағанның кешені табылды

II Түркі қағанатының негізін қалаған Құтлық қағанның кешені табылды. Бұл туралы бүгін ОКҚ-де өткен баспасөз мәслихатында Халықаралық түркі академиясының президенті (TWESCO) айтты, деп хабарлады Elorda.info.

Бүгінгі үлкен жаңалық - Білге қаған мен Күлтегіннің әкесі ІІ Түрік қағанатын қайта тірілткен Құтлық қағанның кешені табылды. Бұл - барша түркі әлемі және көшпелі жұрт үшін маңызды оқиға. Аталған жаңалыққа түркі халықтары бірлесе атқарған жүйелі жұмыстың нәтижесінде жетіп отырмыз. Бұл жұмыс жалғасын табады. Себебі біз бір ғана кешенді ашып отырмыз, осындай әлі 9 кешен бар. Яғни біраз жылға жететін жұмыс бар. II Түркі қағанатының негізін қалаған Құтлық Елтеріс қағанның кешені мен жазуы табылуын түркі халқының алғашқы паспорты деуге болады, - деді Дархан Қыдырәлі.