Түнгі уақытта жүрген 26 жасөспірімнің ата-анасы жауапкершілікке тартылды

Фото: Нұра ауданы әкімдігі/Instagram

Елордада түнгі уақытта кәмелетке толмағандарды анықтау бойынша рейд өтті, деп хабарлады Elordainfo.kz Нұра ауданы әкімдігіне сілтеме жасап.

Рейд аудандық әкімдік, ювеналды полиция, білім басқармасы және кәмелетке толмағандардың істері және олардың құқықтарын қорғау жөніндегі комиссия өкілдерінің қатысуымен өтті.

«Бақылау тобы орталық саябақ, сауда орталықтары және компьютерлік клубтар сияқты қоғамдық орындарды тексерді. Рейд нәтижесінде заңды өкілдерінің еріп жүруінсіз қоғамдық орындарда болған 26 жасөспірім анықталды. Балаларды қараусыз қалдырған ата-аналар ҚР ӘҚБтК-нің 442-бабы 2,3-бөлігі бойынша әкімшілік жауапкершілікке тартылды», - делінген хабарламада.

#әкімшілік жауапкершілік