Шетелге оқуға не көшуге ниетті қазақстандықтарға маңызды құжат туралы ескертілді

Фото: Magnific.соm

Азаматтарға арналған үкімет мемлекеттік корпорациясы шетелде оқу, жұмыс істеу немесе қоныс аударуды жоспарлаған қазақстандықтарға көп жағдайда құжаттарды апостильдеудің қажеттігін еске салды, деп хабарлайды Elordainfo.kz.

Апостиль құжаттың түпнұсқалығын растайды және оны Гаага конвенциясына қосылған елдерде ресми пайдалануға мүмкіндік береді. Онсыз құжаттарды шетелдік мекемелер қабылдамауы мүмкін.

Мамандардың айтуынша, жылдың басынан бері көбінесе әділет және нотариат органдарының, мектептер мен колледждердің, прокуратура мен тергеу органдарының, жоғары оқу орындары мен соттардың құжаттарына апостиль қойылған.