Астанадан Гуанчжоуға тікелей әуе рейсі ашылмақ

Фото: freepik.com

Көлік министрлігі ұшу географиясын кеңейту және қолданыстағы бағыттар бойынша рейстер санын арттыру жұмыстарын тұрақты негізде жүргізіп келеді, деп хабарлады Elordainfo.kz.

Министрліктің баспасөз қызметі таратқан ақпаратқа сүйенсек, биыл 2 маусымынан бастап қазақстандық «Air Astana» әуе компаниясы Қытайға жаңа әуе бағытын – Астана – Гуанчжоу маршрутын ашуды жоспарлап отыр. Рейстер аптасына 2 рет «Airbus A321LR» үлгісіндегі әуе кемелерімен орындалады.

Аталған әуе қатынасының ашылуы екі ел арасындағы сауда-экономикалық, іскерлік және туристік ынтымақтастықтың одан әрі дамуына ықпал етеді деп күтілуде.

Бұған дейін «Астана – Балқаш – Астана» бағыты бойынша күн сайын әуе рейсі іске қосылатынын жаздық.

#Көлік министрлігі