«Сапалы өнім» қоғамдық тұжырымдамасын іске қосуды ұсынылды

Министрлік «Сапалы өнім» қоғамдық тұжырымдамасын іске қосуды ұсынады, деп хабарлады Elorda.info. Бұл туралы Астана қаласы коммуникациялар қызметінде баспасөз-конференциясында айтылды.

Жобада қоғамдық күштердің елдің ішкі нарығындағы азық-түлік қауіпсіздігін қамтамасыз етуді көздейді. 

Қолданыстағы тұтынушылардың құқықтарын қорғау туралы Заң қоғамдық бірлестіктерге тауардың тұтынушылық қасиеттерін зерттеуге,тауардың сапасы мен қауіпсіздігіне сараптама жүргізуге бастамашылық жасауға мүмкіндік береді. Сондай-ақ өнімнің сапасы туралы қоғамдық пікірді анықтау үшін халыққа сауалнама жүргізуге, тауардың сапасын бағалау мақсатында мемлекеттік органдарға жүгінуге қолайлы жағдай туғызады. Заң қоғамдық бірлестіктер үшін, сонымен қатар, тұтынушылардың мүддесі үшін сотқа талап қою мен өнімнің сапасы мен қауіпсіздігін зерттеу нәтижелері туралы ақпаратты таратуға негіз болады.   

Тағы бір айта кетерлік мәселе, осы функцияны іске асыру кезінде қоғам белсенділері тауарды сату орындарына барған кезде жасалатын барлық әрекеттерді фото, аудио, бейнетіркеуді қолдануға құқылы, - деді Астана қаласының сауда және тұтынушылардың құқықтарын қорғау департаментінің басшысы Нұрғали Егембердиев.

Бүгінгі таңда ішкі нарықта азық-түлік қауіпсіздігін қамтамасыз ету мемлекет басшысы қойған басты міндет болып табылады. Бірақ, департамент басшысыныңайтуынша, оған қол жеткізу азаматтық қоғамның, қоғамдық институттардың, бұқаралық ақпарат құралдарының және жалпы, бей-жай тұтынушылардың белсенді ұстанымынсыз мүмкін емес.

Сондықтан департамент тұтынушылар мен қоғамдық институттарды сапалы және қауіпсіз өнімді ғана тұтыну жолында өз құқықтарын мейлінше батыл қоюға шақырды.