Елордадағы «Жағалау» скверінде Республика күніне арналған мерекелік концерт өтті

Елорданың «Нұра» ауданындағы «Жағалау» скверінде Республика күніне арналған мерекелік концерт өтті, деп хабарлады Elordainfo.kz Астана әкімдігінің ресми сайтына сілтеме жасап. 

Іс-шара Сығанақ пен Айтматов көшелерінің қиылысында орналасқан жайлы скверде өтті. Концертке жиналған тұрғындар қатары қалың болды. Көпшілік алдында Аян Жамағанбетов, Qazaq Voice, «Астана» триосы, Нұрмұхаммед Жақып, Әкімхан Ақбота, «Алтын» триосы және Досымжан Таңатаров сияқты танымал әртістер өнер көрсетті.

Көрермендер әртістерге қошемет білдіріп, оларға қосылып ән айтып, би биледі.

Береке-бірлікке үндеп, мерекелік көңіл-күй сыйлаған концертте көпшілік шат-шадыман күй кешті.

Танымал әртіс әрі концерт жүргізушісі Нұрбол Балапановтың айтуынша, іс-шараның басты мақсаты – қала тұрғындарына жақсы көңіл-күй сыйлау және игі істерге шабыт беру.

«Осы концертпен біз елорда тұрғындарын қуантып, оларды көшеге шығуға, өзара араласуға, көңіл көтеруге шақырғымыз келді. Музыка арқылы біз әкімдіктің атқарған жұмысы мен республикалық экологиялық акцияларға қатысуы туралы, сондай-ақ тазалықты, заң мен тәртіпті сақтаудың маңыздылығын еске салуға тырысамыз», - деп атап өтті ол.

Жүргізуші мұндай концерттер мерекелік көңіл-күй сыйлап қана қоймай, азаматтық жауапкершілікті арттыруға ықпал ететінін атап өтті. Іс-шара барысында әртістер «Таза Қазақстан» және «Заң және тәртіп» республикалық бастамаларды, сондай-ақ Президенттің тапсырмалары мен елорда әкімдігінің тазалықты сақтауға және қоршаған ортаны құрметтеуге шақыратынын еске салды.

Жергілікті тұрғындар концертті жылы қабылдап, ұйымдастырушыларға алғыстарын білдірді.

«Мереке күндері осындай концерттердің өткізілетініне өте қуаныштымын. Бұл күнделікті өмірден алшақтап, жақсы көңіл-күйге ие болуға көмектеседі. Біз үшін, яғни аудан тұрғындары үшін бұл маңызды», - деді астаналық Роза.