Елордада су тасқынына қарсы оқу-жаттығулар өтіп жатыр

Елордада су тасқынына қарсы оқу-жаттығулар өтіп жатыр

Оқу-жаттығу шеңберінде барлық 20 су тасқыны қаупі бар учаскелер қамтылды. Онда қаланың бес ауданында қойылған міндеттердің орындалуын үйлестіру үшін шағын штабтар орналастырылды. 

Астана ТЖД «Көктем-2024» РКШОЖ шеңберінде жергілікті атқарушы органдармен бірлесіп, су тасқынына неғұрлым бейім оқу-жаттығулардың практикалық бөлігі қолданылды және пысықталды. Олар: «Промышленный» ТА, «Үркер» ТА 1-сектор, «Үркер» ТА 2-сектор, «Өндіріс» ТА, «Пригородный» ТА және «Шұбар»; «Агроқалашық», Дулатов көшесі, 185.

2024 жылғы су тасқыны кезеңіне дайындық шеңберінде су тасқыны жағдайының қауіп-қатерін азайту және су тасқыны жағдайының ықтимал асқынуларына жедел ден қою үшін елордада жеке құрамның 500-ден астам адамы, 150-ден астам техника, 3 жүзу құралдары, 65 мотопомпалар, 3 ұшқышсыз ұшу аппараттары, 127 байланыс құралдары, оның ішінде қаланың коммуналдық қызметтерінен азаматтық қорғау қызметтерінің жалпы тобы құрылды. Қала әкімдігінің басшылығымен 237 адам, 124 түрлі техника, 31 мотопомпалар тартылады, - делінген аталған ақпаратта.

Астанада су тасқыны жағдайының күрделенуі кезінде Астана қаласы ТЖ департаментінің күштері мен құралдары 10 техника, шанц құралдары, тіркемелі және тасымалданатын батпақты мотопомпаларымен және жүзу құралдарымен жасақталған жеке құрамның 154 адамы дайындыққа келтірілді.

Азық-түлік пен жанар-жағармай материалдарын жеткізуге 8 меморандум, төтенше жағдайлар кезінде халықты орналастыру бойынша 5 қонақүймен («Жігер», «Әлқуат», «KingHotelAstana», «Gempire», «Тенгри») меморандумдар жаңартылды. Жалпы саны 2 300 адамнан тұратын зардап шеккен халықты қабылдаудың 16 пункті әзірлікке келтірілді.