Елордада әлеуметтік қызметкерлерді оқыту басталды

Астана қаласы әкімдігінің «Жанұя» отбасы институтын қолдау орталығы» КММ-де үйде арнаулы әлеуметтік қызметтерді көрсететін әлеуметтік қызметкерлер үшін 5 күндік тегін күндізгі оқыту ұйымдастырылды, деп хабарлады Elorda.info. 

Оқыту «Қазақстан Республикасының халықаралық арнайы педагогтар қауымдастығы» ЗТБ президенті, жоғары санатты логопед (нейродефектолог), нейропсихолог Тойжан Жаниеваның басшылығымен өткізілді.

Оқытудың мақсаты – арнайы әлеуметтік қызметтер көрсету сапасын арттыру және ерекше қажеттіліктері бар балалармен жұмыс істеу бойынша жаңа дағдыларды игеру. 

Дәріске 50 әлеуметтік қызметкер қатысты.

Айта кетейік, ​Астана қаласы бойынша бүгінгі күні үкіметтік емес ұйымдармен үйде күтім көрсету жағдайында арнаулы әлеуметтік қызметтермен 1 мыңнан астам бала қамтылған.