Астананың 25 жылдығына арналған бейнероликтер байқауы жалғасуда

Байқауға қатысу үшін бейнероликтерді қабылдау мерзімі 2023 жылдың қазан айының 14-не дейін ұзартылды, деп хабарлады Elorda.info.

Астана қаласы әкімдігінің Дін істері жөніндегі басқармасы елорданың 25 жылдығына арналған әлеуметтік бейнероликтер байқауын өткізуде.

Қатысушылар өз жұмысын дінге байланысты түрлі тақырыптарға: ұлттық құндылықтарды насихаттау, экстремизм мен терроризм идеологиясының алдын алу, конфессияаралық келісімді ілгерілету, зайырлы мемлекеттің негіздері және т.б. жібере алады.

Байқаудың жалпы жүлде қоры - 1 750 000 теңге

1 орын – 1 000 000 теңгеге сертификат;

2 орын – 500 000 теңгеге сертификат;

3 орын – 250 000 теңгеге сертификат.

Толығырақ ақпаратты www.elorda-din.kz сайтынан таба аласыздар.