Астанадан Алматы мен Шымкентке пойыздар кешкі уақытта қатынайды

10 желтоқсаннан бастап Астанадан Алматы мен Шымкентке Тальго пойыздары кешкі уақытта жөнелтіледі, деп хабарлады Elorda.info. 

Пойыздардың кешкі кесте бойынша қозғалысы жолаушылар үшін қауіпсіздік пен жайлылықты, сондай-ақ құрамдарға техникалық қызмет көрсетудің толық циклін қамтамасыз етеді, - делінген «Жолаушылар тасымалы» АҚ хабарламасында. 

Жолаушылар пойыздарының «пакеттік» кестесі келесі бағыттар мен Астанадан шығу уақыты бойынша іске асырылады: 

- №86/85 Астана (Нұрлы жол) – Шымкент сағат 20:00-де;

- №4/3 Астана (Нұрлы жол) – Алматы-2 сағат 20:20-да;

- №72/71 Астана (Нұрлы жол) - Шымкент сағат 20:40-та;

- №10/9 Астана (Астана-1) – Алматы-2 сағат 20:58-де.

Елордалық вокзалдарда бір мезгілде төрт пойыз құрылатынын ескерсек, «Жолаушылар тасымалы» АҚ жолаушыларға пойызға отырғызу кезінде мұқият болуды ескертеді.