Астанада ағаштарды цифрландыру не үшін қажет

Астана қаласы әкімдігінің Урбанистика орталығы ағаштарды электронды паспорттау жұмысын бастады, деп хабарлады Elordainfo.kz.

Енді әр жаңа отырғызылған ағаштың өз цифрлық төлқұжаты болады. Болашақта бұл жүйе бұрын отырғызылған жасыл желектерге де таратылады.

Ол төлқұжатта мына мәліметтер тіркеледі:

- Ағаштың түрі мен егу күні;

- Орналасқан жері;

- Күтімге жауапты тұлға;

- Суару, бұтау, тыңайту және жалпы күйі туралы мәлімдеме.

Бұл жай ғана есеп үшін емес – бұл нақты мақсатқа бағытталған жүйе:

- Әр отырғызуды нақты бақылауға алу;

- Күтімді жоспарлау және мәселелерге жедел әрекет ету;

- Мердігерлердің жұмысын қадағалау;

- Ағаштардың шығымдылығын арттырып, шығынды азайту.

«Қала тұрғындары QR-кодты сканерлеп, ағаш туралы толық ақпарат алуға және қажет болса, мәселе туралы хабарлауға болады.

Мұның бәрі – қаланың жасыл қорын басқарудың жүйелі тәсілінің бір бөлігі.

Мұнда әр ағаш – бақылауда, әрі тікелей, әрі цифрлық мағынада», - делінген хабарламада.