«АSTANA RUN»: Елордада әуесқойлар арасында жүгіруден жарыс өтті

Жүгіруден Ботаникалық бақта 400-ге жуық Астана тұрғыны мен қала қонақтары қатысқан жүгіру жарысы өтті, деп хабарлады Elorda.info. 

Бұқаралық спортты дамытуға бағытталған Astana run challenge іс-шарасы 10 шақырым қашықтыққа созылып, 3 кезең бойынша өтеді. 

14 мамыр — Ботаникалық бақ
20 тамыз — Орталық саябақ
17 қыркүйек — Триатлон саябағы 

Әрбір кезеңде жеңімпаздар жас ерекшеліктеріне байланысты анықталады: 18-29, 30-39, 40-49, 50-59, 60 жастан асқандар. 

«Астана тұрғындарын жүгірудің алғашқы кезеңіне қатысуларымен құттықтаймын. Бұқаралық спортты насихаттау мақсатында ұйымдастырылған іс-шарамыз қаламыздың керемет жерлерінің бірінде өтіп жатыр. Әрі ешкімге кедергі жасамаймыз. Бүгінгі әрбір қатысушыға сәттілік пен жеңіс тілеймін!» — деп, Астана қаласы бойынша Триатлон федерациясының президенті Евгений Больгерт өзінің ықыласын жеткізді. 

Спорттық іс-шараны тек тұрғындар ғана емес, Астанадағы Индонезия елшілігінің қызметкерлері де қолдап, қатысты. 

Шара соңында жеңімпаздар ақшалай сыйлық (1-орын — 20 мың теңге, 2-орын — 15 мың теңге, 3-орын — 10 мың теңге) пен медальдармен марапатталды.