Нұр-Сұлтанда карантин талаптарын бұзған 460-тан астам адам әкімшілік жауапкершілікке тартылды

  Елордада карантин режимін сақтау бойынша рейдтер жалғасуда, деп хабарлайды Елорда  Инфо әкімдіктің ресми сайтына сілтеме жасап. Мобильді топ 12 және 13 қыркүйекте Алматы ауданында 20 ШОБ субъектісін тексеріп, 4 карантин талаптарын бұзған нысан анықтады; Байқоңыр ауданында 18 ШОБ субъектісі тексеріліп, 9 бұзушылық анықталды; Есіл ауданында 16 ШОБ субъектісі тексеріліп, 7 бұзушылық анықталды; Сарыарқа ауданында 16 нысан тексеріліп, 4 бұзушылық анықталды. 14 қыркүйектегі жағдай бойынша, Нұр-Сұлтан қаласының тауарлар мен көрсетілетін қызметтердің сапасы мен қауіпсіздігін бақылау комитеті басқармаларына аудандық полиция басқармаларынан карантинді бұзуға жол берген адамдарға қатысты 1080 материал келіп түсті. ҚР ӘҚБтК-нің 425-бабы бойынша (халықтың санитарлық-эпидемиологиялық салауаттылығы бойынша талап бұзушылықтар) 469 жеке және заңды тұлға әкімшілік жауапкершілікке тартылды.