iQala қалалық қызмет көрсету орталығы бұрынғы жұмыс режимін қайта жандандырды

Нұр-Сұлтан қаласы бас санитар дәрігердің қаулысына сәйкес, iQala қалалық қызмет көрсету орталығы бұрынғы жұмыс режимін қайта жандандырды, деп хабарлайды Елорда Инфо орталықтың баспасөз қызметіне сілтеме жасап. "Енді Р.Қошқарбаев даңғылы, 29 мекенжайындағы орталық жұмыс күндері сағат 9.00-ден 18.00-ге дейін үзіліссіз жұмыс істейді. Сенбі-жексенбі күндері – демалыс. Сонымен қатар iQala операторлары Сығанақ көшесі, 25 және Бөгенбай батыр даңғылы, 24/1 мекенжайларында орналасқан Астанаэнергосбыт ЖШС-тің фронт-кеңселерінде де қызмет көрсетеді", – делінген хабарламада. Елорда тұрғындары барлық сұрақтары бойынша 109 бірыңғай байланыс орталығына немесе +7 (7172) 27 23 14 нөміріне хабарласа алады.