Ауыр атлетикадан Қазақстан чемпионаты онлайн форматта өтеді

Алдын ала мәлімет бойынша, ұлттық біріншілікке еліміздің барлық аймағынан 300-ден аса спортшы қатысады деп күтілуде. «Биылғы қаңтардан бастап алдағы Азия чемпионатына қарқынды дайындалып жатырмыз. Бүгінде бапкерлер құрлық додасына қатысатын 17 ауыр атлетті таңдап алды. Оның ішінде жеті әйел, он ер адам бар. Қатысушылар есімін ел чемпионаты аяқталған соң жариялаймыз. Бұл жолы да біз жарысты үйреншікті онлайн форматта өткіземіз. Біздің спортымыз үшін бұл нұсқа ыңғайлы. Жарыстың өту барысына айтарлықтай кедергі келтірмейді. Екінші жағынан, Азия чемпионаты қарсаңында спортшылардың вирус жұқтырып алу қаупінің алдын алады», - дейді бас бапкер. Айта кетелік, турнир 17 наурызға дейін жалғасады.